A segunda edición do MACC avanza un programa que aposta por un novo modelo cultural
CULTURA
Os promotores e organizadores da segunda edición do Mercado Atlántico de Creación Contemporánea MACC 2010 presentaron o avance do programa que se vai desenvolver en distintos espazos de Santiago do 10 ao 12 de setembro, con máis de 72 propostas arredor dos conceptos de industrias e procesos creativos.
Construír un modelo cultural diferente, con novos formatos e ideas, é a aposta deste espazo de encontro, e por iso desbotaron espectáculos convencionais. O MACC, promovido pola plataforma Atlantic Comnection e organizado pola empresa E-Burbulla, pretende actuar de catalizador de iniciativas nas que prima o proceso máis que o produto e visibilizalas para o seu desenvolvemento. Macclab, Maccencontros, Maccinspira e Maccshow son as catro áreas nas que se presentarán os traballos.