O Museo Yosso celebra o Día das Letras Galegas coa presentación dun libro póstumo do autor de O Bolo
OURENSE
OURENSE
O xornalista José Manuel Rubín falará da publicación nun acto que terá lugar o sábado 18
10 may 2024 . Actualizado a las 05:00 h.O Museo Yosso, no concello de O Bolo, celebra o Día das Letras Galegas cun acto na memoria do artista de Valbuxán e coa presentación dun libro póstumo. O sábado 18 deste mes verá a luz Monforte 1951-52, o último libro que escribiu o autor ourensá, no que conta historias do ano que pasou estudando no colexio dos Escolapios.
Na presentación do libro intervirán o presidente do Instituto de Estudos Valdeorreses, Aurelio Blanco Trincado, e o xornalista José Manuel Rubín, que foi delegado de La Voz de Galicia en Valdeorras e un grande amigo do poeta e pintor homenaxeado. Tamén os acompañará o historiador Isidro García Tato.
No acto, que terá entrada libre, leranse poemas de Yosso e farase unha visita guiada polo museo.