Faleceu José María de Florentina, canteiro de Brantuas e enterrador en Malpica

O canteiro José María Varela García, máis coñecido por José María de Florentina, faleceu este xoves aos 86 anos. Era natural de Brantuas (Ponteceso), onde no 2013 recibiu unha homenaxe, xunto con outros artesáns desta localidade e Niñóns, pero casou para o municipio malpicán con Mercedes Varela Cancela, agora a súa viúva. José María Varela tamén foi emigrante durante 17 anos en Alemaña e exerceu un tempo como enterrador en Malpica. Un home moi querido na localidade, tivo dous fillos, Xosé Manuel e Francisco Javier Varela Varela. O primeiro é profesional do ensino, escritor e divulgador cultural. José María deixa dous netos, Icía, cantora, e Lois.

As honras fúnebres están previstas para este venres ás 18.45. Trala saída do tanatorio Bergantiños oficiarase un funeral na igrexa de San Xulián.

---

---

---