Un novo grupo de teatro afeccionado nace na Mariña. Chámase O Batán, É de Cangas de Foz, e está formado por Neves Santamarina, Isabel Ares, Luisa Prieto, Hortensia Casas, Eugenio e Luis González, Roberto Reigosa e Jorge Branco. O dirixe Francisco Piñeiro e codirixe Mari Paz Rodríguez. Estréanse hoxe, domingo, ás 19.30 no Centro Social de Cangas coa obra A caída do imperio.
-No teatro si que non hai crise.
-Canta máis crise, máis xente acode ao teatro.
-Bota a andar unha nova agrupación e de novo da súa man.
-É coma un fillo, o problema non é facelo, é mantelo. Eu non podía con mais carga pero botoume unha man Paz. Levamos cinco grupos en toda A Mariña: O Bordelo de Cervo, A Adala de Fazouro, ela Árdora de San Cibrao, agora O Batán de Cangas e cando facemos cousas especiais temos a Agrupación Teatral Francisco Piñeiro, unha selección de actores adaptados aos papeis que queremos facer como obras históricas, etcétera.
-Cóntenos algo da peza teatral, que tamén escribiu vostede.
-É unha comedia que fora estreada por A Adala de Fazouro, que tivo 20 ou 25 representacións nun ano, de tema actual, coma todos os meus, na igualdade de xénero, de que os roles cámbianse, as mulleres son as que van a traballar e os homes os que quedan na casa, pranchan, fregan... Non é masculinizar ás mulleres nin feminizar aos homes... trátase de convivir.