a pie de calle «Coa chegada do euro veu un subidón enorme de máquinas rexistradoras»

Con sé en Mondoñedo, a empresa Servitrónika, con tres empregados e cuxo encargado é Pedro Vázquez (Vilanova de Lourenzá, 1972), cumprirá no 2009 dez anos de vida. Traballa por A Mariña, Occidente astur e Terra Cha. «Empezamos coa idea de traballar con caixas rexistradoras, balanzas e pantallas táctiles. O principio foi ese pero por circunstancias camiñamos tamén hacia maquinaria de hostalería e frío industrial», sectores nos que tivera unha experiencia anterior á posta en marcha de Servitrónika, di. «O forte das rexistradoras foi coa chegada do euro, cando máis se vendeu(...) E na hostalería tamén se segue movendo o tema. Cada vez hai máis xente que informatiza o negocio», engade.

-¿Hai algunha novidade no sector das caixas rexistradoras?

-Neste mundo te encontras algunhas que se parecen máis a ordenadores aínda que teñan as funcións das de sempre. Permiten levar máis xestións, aínda que todo o mundo acaba usando o básico. Evolucionaron moito. No 1992, por exemplo, as de gama alta de 300.000 ou 400.000 pesetas facían o que fai agora unha de 1.000 euros. Baixou moitísimo o prezo. Unha máquina alfanumérica antes custaba 200.000 pesetas, agora 500 euros.

-¿Hai algunha caixa que resista a calquer roubo, por exemplo?

-As caixas traen unha chave para pechar o caixón de noite. Procuro dicirlle aos clientes que mellor o deixen aberto. Así non a destrozan os cacos.