CINE | POR TODA GALICIA Curtas galegas, pequenos tesouros

Cúmprese un ano do programa Cinemas Dixitais da Axencia Audiovisual Galega e para celebralo Cultura pon en marcha o máis ambicioso progrma de exhibición de curtas galegas. Co obxectivo de dar a coñecer a un público amplo a calidade e variedade destas produccións galegas, distribuiránse máis de 135 curtas dos últimos 25 anos ao longo de 160 concellos de Galiza.

O material exhibido divídese en varios paquetes temáticos segundo xéneros, temas e formatos desde a curta documental á biografia, literatura no cine pasando pola Guerra Civil, o mundo feminino ou rural. A animación tamén ocupa un lugar destacado con adaptacións literarias e formatos como o 3d ou a plastilina.

Entre as obras seleccionadas están algunhas con recoñecemento fóra de Galiza, pezas de directores como Jorge Coira ou Chano Piñeiro que logo se convertirno en largometraxes e tamén apostas arriscadas en busca de novos camiños.

O ciclo como en ocasións anteriores ofreceráse a todos os concellos da comunidade para que o inclúan nas súas programacións culturais. «Cinemas Dixitais» xa marcou un fito sendo o primeiro evento deste tipo levado a cabo na península e no que participaron 169 localidades galegas estabilizando así unha programación audiovisual que non existía ata agora e chegando así a todos os lugares que doutro xeito non terían posibilidade de acceder a estes contidos.

Un esforzo de divulgación e un reto que vai camiño de convertirse en histórico e que agora co ciclo de «Curtametraxes, o pequeno é fermoso» pretende mostrar unha vez máis o apoio a producción audiovisual galega así como ao talento dos novos realizadores que constitúen o presente e futuro do mesmo